Qasida: <br /> <br />Koi baat karo Younus, Dilbar(Gohar) yaad aaye hain <br />Siski hain fizayen aur, sanaatay chhaye hain <br /> <br />Aankhon ki talab dil ki dharkan hai mera dilbar <br />Nazron mein hai weerani gham dil ne basaye hain <br /> <br />Mehroom-e-Nazaara hon masroor-e-tamanna kar <br />Mere dil ne sada dilbar, naghmay tere gaye hain <br /> <br />Un ka hi tassawur hai, un ki hi tamanna hai <br />kuch deir sahi lekin, wo bazm mein aaye hain <br /> <br />Bhoolo gay jahan mujh ko, pao gay wahien Dilbar(Gohar) <br />Mere dil ki dewaron par tere hi saaye hain <br />Mere dil ke dareechon par tere hi saaye hain <br /> <br />Younus nahen goya hai, ik aah-e-dil-e-weeran <br />kuch ujray howay gulshan mere dil ne samaye hain <br /> <br />Aankhon ka taqaza hai dedar muassar ho <br />Jab dil ko sada tum ne khud jalway dikhaye hain <br /> <br />Aadat hai in aankhon ko, tera jalwa/mukhra taknay ki (ooo) <br />in piyasi nigahon mein aansoo bhar aaye hain <br /> <br />Barhta hi raha dilbar, in ghazlon mein soz-e-dil (ooo) <br />tere ishq mein jal kar harf ghazlon mein samaye hain <br /> <br />Tujhe dil ne pukara hai saanson ne bulaya hai <br />Uljhi howi dharkan hai, saans ukhray jaye hai <br /> <br />Kis dam mein nikal jaye, ye jaan bina tere <br />yehi khof mujhe la'haq, yehi waswasay aaye hain <br /> <br />Ab jalwa dikha dijiye, ab muaaf khata kijiye <br />Bujhti howi aankhon ka, ye muddua laye hain <br /> <br />Ab aankhen pareshan hain aur saans hai ukhri si <br />Kuch deir ko thehro to mere Gohar aaye hain <br /> <br />Kiya dil ko dilasa hai us harf-e-tamanna ka <br />Younus ki duaon se Gohar chalay aaye hain
